Aqtóbede iri qaradan brýtsellez aýrýy shyqqan soń aýyl turǵyndary tekserilip jatyr
AQTÓBE. QazAqparat - Aqtóbeniń Oıyl aýdanynda iri qara maldan brýtsellez derti anyqtalyp, qazir turǵyndardan qan alyna bastady, dep habarlaıdy QazAqparat tilshisi.
«2011-2013 jyldary brýtsellez shyǵyp, adamdarǵa juqqanyn bilemin. Sońǵy oqıǵaǵa baılanysty bizde aldyn alý sharasy kúsheıdi. Qazirgi kezde malǵa shekteý qoıylyp, adamdardan qan alý jumysy bastaldy. Sanıtar mamandar kelip, aldymen iri qarasy brýtsellezge shaldyqqan adamdardy tekserip jatyr. Ázirge dert juqtyrǵan adam anyqtalmady. Shyn máninde, brýtsellez aýrýy adamǵa juqqan kezde onyń qyzýy kóterilip, ózin nashar sezinedi. Shaǵym aıtyp kelgen adam bolmady»,- dedi Shyǵanaq Bersıev aýyldyq okrýgindegi ambýlatorııanyń dárigeri Qaırat Altymov.
Aıta keteıik, 2013 jyly Oıyl aýdanynyń Qaratal aýylynda adamdardan brýtsellez derti anyqtaldy.
