Aqtóbede ınternet alaıaqtaryna aldanǵandar kóbeıdi
AQTÓBE. QazAqparat – Aqtóbe oblysynda ınternet alaıaqtaryna aldanǵandar kóbeıdi. Jyl basynan beri 300-den astam derek tirkeldi, dep habarlaıdy QazAqparat tilshisi.
Sońǵy ýaqytta Aqtóbe oblysy aýmaǵynda ınternet arqyly alaıaqtyq jasaıtyndar jıilep ketti. Olar óz qurbandarynyń banktik shottary men kartochkalaryn paıdalanǵan.
«Alaıaqtar aldaýdyń jáne azamattardan aqsha alýdyń kúrdeli ádisterin qoldanady. Eger buryn alaıaqtar telefon arqyly qońyraý shalyp, polıtsııa qyzmetkeri bolyp tanyssa, ustalǵan azamat úshin aqsha talap etse, qazir alaıaqtyqtyń jańa túri beleń aldy. Jańa tehnologııalardy paıdalanyp, onlaın nesıe rásimdeı otyra, qylmys jasalady», - deıdi Aqtóbe oblystyq PD bastyǵy Atyǵaı Arystanov. Onyń aıtýynsha, belgisiz bireýler «balzhan aqsha halykka» betindegi Іnstagram áleýmettik jelisin paıdalanyp, qarjyny eki ese kóbeıtý syltaýymen 15 000 teńge somasyndaǵy aqshany ıemdenip alǵan. Aqtóbelik «qiwi ámııan» arqyly aqsha aýdarǵan. Internet alaıaqtaryn anyqtaý maqsatynda jedel-izdestirý sharasy júrgizildi. Kıberqylmyspen kúres tobynyń qyzmetkerleri 21 jastaǵy jigitti ustady. Ol Instagram áleýmettik jelisi arqyly birneshe ret ınternet alaıaqtyqpen aınalysqan, paraqshada «WhatsAap» messendjerine tirkelgen nómirler arqyly azamattarǵa tikeleı habarlasatyn bolǵan. Aqsha ártúrli tólem kartasyna aýdaryldy. Kúdiktiniń elimizdiń birneshe óńirinde tirkelgen 15-ten astam alaıaqtyq faktisine qatysy bar ekeni anyqtaldy. Ol Aqtóbe qalasynyń ýaqytsha ustaý ızolıatoryna qamaldy.
«Bizdiń azamattarymyzdyń basty máselesi - olardyń senimdi jáne tez ári ońaı baıýǵa umtylysy. Osyǵan baılanysty azamattarǵa qyraǵy bolý jáne jeke aqparatpen, onyń ishinde bank kartalarynyń nómirleri, PIN-SMS-kodtar týraly aqparatpen bólispeý jáne aqshanyń tez ósýi týraly aldamshy usynystarǵa senbeý qajettigi týraly qatań keńes beremiz. Kúdikti SMS, qońyraýlar, sondaı-aq áleýmettik jeliler men ıternette tartymdy usynystar túsken jaǵdaıda dereý polıtsııaǵa habarlasyńyz nemese banktegi shottaryńyz ben nesıe tarıhyńyzdy tekserińiz», - dedi oblystyq PD bastyǵy A.Arystanov.
