Aqtóbede ınfektsııalyq jańa aýrýhana salynady

AQTÓBE. QazAqparat – Aqtóbe qalasynda 200 kerýettik ınfektsııalyq aýrýhana salynady. Qazir jobalaý jumysy qolǵa alynǵan, dep habarlaıdy QazAqparat tilshisi.

«Oblys ortalyǵynda 200 kerýettik ınfektsııalyq aýrýhana salynatyn boldy. Nysandy jobalaýǵa oblystyq qurylys basqarmasyna tapsyrys engizildi. Jyl sońyna deıin jobalyq-smetalyq qujattary ázirlenip, memlekettik saraptamadan ótip, bekitilýi tıis. Kúzge daıyndyq jumystary barysynda oblysta ınfektsııany emdeýge qosymsha oryndar, onyń ishinde jansaqtaý kerýetterin jasaqtap, qajetti medıtsınalyq quraldarmen jabdyqtap jatyrmyz», - dedi oblystyq Densaýlyq saqtaý basqarmasynyń basshysy Samat Danııarov.

Aıta keteıik, Memleket basshysy Qasym-Jomart Toqaev Joldaýda medıtsınalyq ınfraqurylymdy damytýǵa tapsyrma berdi. El aýmaǵynda 13 jańa juqpaly aýrýlar aýrýhanasy salynady. Al 2025 jylǵa qaraı densaýlyq saqtaý salasyna arnalǵan 20 zamanaýı kópsalaly nysan paıdalanýǵa beriledi.