Aqtóbede ınfektsııalyq statsıonarlardaǵy tósek-oryn sany qysqardy
Aqtóbede ótken táýlikte 4 adamnan koronavırýs ınfektsııasy anyqtaldy. Bári de vırýstyń sımptomdy túrine shaldyqqan.
«Bıyl 1215 baladan koronavırýs ınfektsııasy anyqtaldy. Onyń 284-i bir jasqa tolmaǵan bala. Al 2021-222 oqý jylynda 1685 oqýshydan vırýs tabyldy. Sonymen birge 213 muǵalimniń PTR synamasy oń mán kórsetti», - dedi oblystyq sanıtarııalyq-epıdemıologııalyq baqylaý departamentiniń basshysy Raıhan Qoıshanova.
Qazir oblystaǵy ınfektsııalyq statsıonarlarda 97 adam em alyp jatyr. Onyń 12-i jansaqtaý bóliminde. Oblystyq densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, 14 bala baqylaýda bolsa, onyń tórteýi bir jasqa tolmaǵan. Bári de úıinde. Bes júkti áıel de medıtsına qyzmetkerleriniń nusqamasyn oryndap otyr.
«Epıdahýaldyń turaqtalýyna baılanysty aýdandarda, qalada kereýetter sany qysqartylyp jatyr. Qazirgi kezde qala boıynsha ınfektsııalyq aýrýhanada ǵana qabyldaý júredi. Al ftızıopýlmonologııalyq ortalyqqa jatqyzylý toqtatyldy. Mundaǵy naýqastar emdelip bolǵan soń ýaqytsha statsıonar jabylady. Qazir ınfektsııalyq kereýetter júktemesi 23%, al reanımatsııadaǵy júkteme 20% qurap otyr», - dedi Bekbolat Іzbasarov.
Aıta keteıik, Aqtóbe oblysy boıynsha 381 myńnan astam adam vaktsınanyń eki komponentin de qabyldady. Sonymen birge 91 myńnan astamy revaktsınatsııadan ótti. Pfizer-di 14 myńnan astam qabyldady. Onyń 10 myńǵa jýyǵy bala, 4 myńnan astamy bala emizetin ana. Aqtóbelikter úshin Spýtnık V, Qazvac jáne Sinopharm qoljetimdi. Emhanalardaǵy vaktsınatsııa bólmeleri senbi, jeksenbi kúnderi jumys isteıdi.
