Aqtóbede ınfektsııalyq statsıonarlar júktemesi 2 ese azaıdy

AQTÓBE. QazAqparat – Aqtóbede qazir 473 adam koronavırýs ınfektsııasynan em qabyldap jatyr. Olardyń 53-i jansaqtaý bóliminde. Oblystyq densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, júkteme eki esege azaıǵan, dep habarlaıdy QazAqparat tilshisi.

Aqtóbe oblysy boıynsha búginge deıin 33 myńǵa jýyq adamnan koronavırýs ınfektsııasy anyqtalsa, onyń 93,2% jazyldy.

«Koronavırýs ınfektsııasyn juqtyrǵan 165 balalarnyń úsheýi statsıonarda em alyp jatyr. Úsheýiniń de jaǵdaıy ortasha aýyr. Sonymen birge 55 júkti áıelden COVID-19 anyqtaldy. Onyń 39-y aýrýhanada jatyr. Infektsııalyq kereýet júktemese 52%, reanımatsııa júktemesi 43% qurady. Sońǵy kúnderi koronavırýs ınfektsııasyna arnalǵan kereýet qory eki esege azaıdy», - dedi oblystyq densaýlyq saqtaý basqarmasy basshysynń orynbasary Bekbolat Іzbasarov.

Aıta keteıik, búginge deıin 317 myńnan astam adam birinshi, 279 myń adam eki komponentimen de egildi. Oblysqa barlyǵy 697 myń doba vaktsına jetkizilgen. Óńirdegi barlyq emhanalarmen qatar temirjol vokzaly, áýejaı men qaladaǵy úsh saýda ornynda vaktsınatsııalaý pýnkti bar.