Aqtóbede ınfektsııalyq statsıonarlar sany azaıdy

AQTÓBE. QazAqparat – Aqtóbede koronavırýs ınfektsııasyn juqtyrǵandardy emdeıtin eń úlken ınfektsııalyq statsıonarlardyń birinde naýqastardyń qabyldaý ýaqytsha toqtatyldy. Qazir naýqastar ınfektsııalyq aýrýhananyń bólimshelerinde ǵana em qabyldap jatyr, dep habarlaıdy QazAqparat tilshisi.

Bir táýlikte 2 adamnan koronavırýs ınfektsııasy anyqtaldy. Qazirgi kezde ınfektsııalyq statsınarlarda 67 adam jatyr. Onyń 11-i jaqsaqtaý bóliminde. Naýqastardyń beseýi ókpeni jasandy jeldetý apparatyna qosyldy.

«Koronavırýs ınfektsııasyn juqtyrǵan 5 oqýshy dárigerler baqylaýyna alyndy. Bári úıinde, aýrýhanada jatqan eshkim joq. Sonymen birge vırýs juqtyrǵan bes júkti áıeldiń tórteýi aýrýhanada jatyr. Infektsııalyq kereýetter júktemesi - 35%, al reanıkatsııadaǵy tósek-oryn júktemesi - 29% qurap otyr. Naýqas sany azaıyp, kereýet sany qysqartyldy. Vırýs juqtyrǵandar oblystyq ftızıopýlmonologııalyq ortalyqta emes, qala syrtynda ornalasqan ınfektsııalyq aýrýhana bólimshesinde em qabyldaıdy», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, Aqtóbede 2892 adam Pfizer vaktsınasyn saldyrdy. Onyń 1700-den astamy jasóspirim. Al 3346 adam revaktsınadan ótti.

«Aqtóbe oblysy «jasyl» aımaqta. Mektep pen balabaqshada jańajyldyq erteńgilikter ótkizýge bolady. Tek ár top, synyp óz ishinde atap ótedi. Ata-analar qatysa almaıdy», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.