Aqtóbede ımamdar men jat aǵym jeteginde júrgender boýlıng oınady
Aqtóbe qalasyndaǵy 10 meshittiń ımamy men jamaǵat, «Ańsar» aqparattyq -taldaý ortalyǵynyń teologtary, jat aǵym jeteginde júrgender búgin boýlıng oınap, ózara pikir almasýǵa kelisti.
«Namazhandardyń aýyzbirshiligin arttyrý úshin biz boýlıngke keldik. Boýlıngke Muǵaljar aýdany, Qandyaǵash qalasynda turatyn eki jigitti alyp keldim. Ekeýi de jat aǵym jeteginde júr. Olardyń biri as iship bolǵan soń bet sıpap, bata berýdi burys sanaıdy. Jastardyń kózqarasyn túzep, oıyn ózgertý úshin kópshilik arasyna shaqyrdyq. Jigitter qarsy bolmaı, kelisim berdi. Jat aǵym men dástúrli joldy ustanatyndar bir jerde kezdesse, bári jaqsy jaǵyna ózgeredi»,- dedi Qandyaǵash ortalyq meshitiniń naıb ımamy Ásemhan Erǵazın.
Meshitke baryp, namaz oqıtyndar da shaqyrýdy qabyl alǵan. Keıbiri buryn boýlıng oınaǵan, keıbiri aýyr dopty búgin qolyna alǵash ustap tur.
«Stýdent kezde boýlıng oınadym. Aqjar aýylyndaǵy meshit ımamy boýlıng oınaıtyn jamaǵatty shaqyrǵanda birden kelisim berdim. Bul jaqsy oı eken»,- meshit jamaǵaty Janas Imanǵazın.
