Aqtóbede ıisshil ıt esirtki tasymaldaǵan adamdy ustap aldy
AQTÓBE. QazAqparat - Aqtóbede Brýno esimdi ıisshil ıttiń kómegimen esirtki tasymalynyń joly kesildi. Barlyǵy 9 keliden asatyn marıhýana tárkilendi, dep habarlaıdy QazAqparat tilshisi.
Aqtóbe oblystyq ІІD Esirtki bıznesine qarsy kúres basqarmasy Qyzylordadan Aqtóbege esirtki tasymaldaǵan kúdiktini ustady. «Kóknár-2017» aldyn-alý sharasy kezinde ıisshil ıtter qyraǵylyq tanytty.
«Polıtsııa qyzmetkerleri salmaǵy 9,8 keli bolatyn marıhýanany satpaq bolǵan Aqtóbe qalasynyń turǵynyn anyqtady. Kúdikti 10 gramm marıhýanany ózimen alyp júrip, satpaq bolady. Keıin ıisshil ıtterdiń kómegimen páterinen taǵy 146 gramm esirtki tabyldy. Іzdeý jumystary jalǵasyp, garajdan 6 plastıkalyq bótelkege salynǵan 9 keliden astam esirtki zaty tárkilendi. Quny - 3,5 mıllıon teńge»,- dedi oblystyq ІІD Esirtki bıznesine qarsy kúres basqarmasynyń bastyǵy Ashat Asqarov.
Aıta keteıik, osy oqıǵa boıynsha qylmystyq is qozǵaldy. Eger kúdiktiniń qylmysy dáleldense eskirtki tasymaldaýshy 7 jyldan 9 jylǵa deıin bas bostandyǵynan aıyrylýy múmkin.
