Aqtóbede ıen daladaǵy jabaıy ań-qusty qorǵaý mekemesin ashý usynyldy

AQTÓBE. KAZINFORM – Qazir oblystaǵy jerdiń 40% rezervte tur. Eger osy aýmaqtaǵy ań-qusty qorǵaýǵa arnalǵan mekeme qurylsa, onda reıd júrgizetin ınspektorlar jumys isteıdi.

Respýblıka boıynsha eń úlken oblys aýmaǵyndaǵy jerdiń 40%-y qazir rezervte tur. ıAǵnı bul jerler sharýaǵa da, kásipkerge de, jeke adamdarǵa da bekitilmegen.

- Bul jerdegi janýarlar kúzeti jergilikti atqarýshy organdardyń mindetine júktelgen. Endi ań-qusty qorǵaý mekemesin qurýdy usynyp otyrmyz. Onda ınspektorlar bolady. Inspektorlar zańsyzdyqtyń aldyn alý, eger quqyqbuzýshylyq bolsa, ony polıtsııaǵa habarlaý qyzmetin atqarady. Dalalyqtaǵy janýarlar túrin anyqtap, sanyn anyqtaı alady. Janýarlardan bólek balyq sharýashylyǵyn da qaraıdy, - dedi Aqtóbe oblystyq Tabıǵı resýrstar jáne tabıǵatty paıdalanýdy retteý basqarmasynyń basshysy Isataı Espaǵanbetov.

Aıta keteıik, Aqtóbe oblysy aýmaǵynda barlyǵy 53 ańshylyq alqaby bar. Onyń 52-i tabıǵat paıdalanýshylarǵa bekitilip berildi. 2025 jyldyń aqpannan 2026 jyldyń 15 aqpanyna deıin 88,7 myń bas janýardy aýlaýǵa ruqsat berildi. Bıýdjetke 20 mln teńgege jýyq qarjy túsken.

Buǵan deıin Aqtóbede mal ólekselerin kómetin oryn ázirleýge bıyl 686 mln teńge jumsalatynyn jazǵan bolatynbyz. Árqaısysynyń quny 24,5 mln teńge bolyp tur.