Aqtóbede hor festıvalinde eki kún boıy Ahmet Jubanovtyń shyǵarmalary oryndalady
AQTÓBE. QazAqparat - Aqtóbede «Jubanovtar áýeni - 2018» halyqaralyq hor mýzykasynyń festıvalinde eki kún boıy Ahmet jáne Ǵazıza Jubanovtardyń shyǵarmalary oryndalady, dep habarlaıdy QazAqparat Aqtóbe oblysynyń Óńirlik kommýnıkatsııalar qyzmetine silteme jasap.
Qazaqstannyń halyq ártisi, professor, QR Memlekettik syılyǵynyń laýreaty, Qurmanǵazy atyndaǵy Qazaq Ulttyq konservatorııasynyń hor júrgizý kafedrasynyń meńgerýshisi Bazarǵalı Jamanbaevtyń aıtýynsha, mádenı shara
Elbasynyń «Bolashaqqa baǵdar: rýhanı jańǵyrý» baǵdarlamalyq maqalasynyń aıasynda jáne jurtshylyqty Qazaqstannyń, alys jáne jaqyn shetelderdiń osy zamanǵy hor mýzykasy ónerimen tanystyrý, hor mýzykasynyń túrli baǵyttary men aǵymdaryn tanymal etý, hordy oryndaýshylyq kásibı daǵdylary men bilikterine ıe talanttardy anyqtaý, sondaı-aq, qazaq kásibı mýzyka óneriniń negizin salýshy, akademık Ahmet Jubanov pen Qazaqstannyń jáne KSRO-nyń halyq ártisi, kompozıtor Ǵazıza Jubanovanyń shyǵarmalaryn nasıhattaý maqsatynda ótýde.
Festıvaldi QR Mádenıet jáne sport mınıstrligi men Aqtóbe oblysy ákimdiginiń qoldaýymen oblystyq mádenıet, muraǵat jáne qujattama basqarmasy ótkizýde.
Qazylar alqasynyń quramyna Qazaqstannyń halyq ártisi, professor, QR Memlekettik syılyǵynyń laýreaty Bazarǵalı Jamanbaev, reseılik mýzykant, dırıjer, Reseı bankiniń Akademııalyq horyn qurýshy Borıs Tarakanov, A.Gertsen atyndaǵy Reseı Memlekettik Pedagogıkalyq ýnıversıtetiniń professory Sergeı Ekımov, dırıjer, kompozıtor, Daýgavpıls teatrynyń mýzykalyq dırektory Evgenıı Ýstınskov jáne basqalary kiredi.
Festıvalge Qazaqstan men Reseıden 7 hor ujymy qatysady. Olardyń arasynda «Peterbýrgskıe serenady» Tsarskoselskıı kameralyq hory, Qurmanǵazy atyndaǵy Qazaq Ulttyq konservatorııasynyń «Kamerton» hor ujymy, D.Nurpeıisova atyndaǵy Halyqtyq mýzyka akademııasy janyndaǵy mýzykalyq kolledjdiń aralas hory, «Orenbýrgskıı kamernyı hor» mýnıtsıpaldi avtonomııalyq mekemesi, gýmanıtarlyq kolledjdiń «ıApyraı» aralas hory, A.Shnıtke atyndaǵy oblystyq fılarmonııanyń hor mýzykasy teatry, Ǵ.Jubanova atyndaǵy oblystyq fılarmonııanyń Qazaq kameralyq hory bar.
Festıvalge qatysýshylar eki kún boıyna Ahmet jáne Ǵazıza Jubanovtardyń shyǵarmalaryn oryndaıtyn bolady.
