Aqtóbede Halyqqa qyzmet kórsetý ortalyqtary jumysyn bastaıdy
AQTÓBE. QazAqparat - Aqtóbe qalasynda Halyqqa qyzmet kórsetý ortalyqtarynyń jumysy qaıta jandanady, dep habarlaıdy QazAqparat tilshisi.
Aqtóbe oblysy ákiminiń birinshi orynbasary Nurjaýǵan Qalaýov «Aqtóbe» jergilikti telearnasynda turǵyndarǵa oblystyq shtabtyń sheshimin habarlady. Onyń aıtýynsha, 12 mamyrdan bastap HQO-lar jumysyn bastaıdy.
«Jeke kýálik, pasport berý jumysy bastalady. Bul kóp adamnyń ótinishi boldy. Almaty aýdany ákimdigindegi jáne qalanyń Týrgenev kóshesindegi bólimshe jumysyn jandandyrady. Aýdandarda da ortalyqtardyń jumysy bastalady. Sanıtarlyq norma saqtalýy tıis. Negizi, qyzmettiń 80 paıyzy onlaın júredi. Qala jáne aýdan ákimdikterinde, iri saýda oryndarynda ózine-ózi qyzmet kórsetý buryshyn ashýǵa tapsyrma berildi», - dedi oblys ákiminiń birinshi orynbasary.
Aıta keteıik, 11 mamyrda Nur-Sultan - Aqtóbe – Nur-Sultan baǵyty boıynsha áýe reısi jandandy. 12 mamyrdan bastap Almaty - Aqtóbe - Almaty baǵyty boıynsha reıs ashylady.
