Aqtóbede halyqaralyq izdeýde júrgen kúdikti ustaldy

AQTÓBE. QazAqparat – Aqtóbede Ulttyq ulan qyzmetkerleri halyqaralyq izdeýde júrgen er adamdy ustady, dep habarlaıdy QazAqparat tilshisi.

Vedomstvonyń aqparatyna sáıkes, 10 tamyz kúni saǵat 21:40 shamasynda 6655 áskerı bóliminiń qyzmetkerleri masań kúıde turǵan kúdikti azamatty toqtatyp, qujattaryn teksergen. Nátıjesinde er adamǵa Reseı Federatsııasynyń quqyq qorǵaý organdary izdeý jarııalaǵany anyqtalady. Sondaı-aq, kúdiktige elimizde de Qylmystyq kodekstiń 188-baby 1-tarmaǵy (Aldyn ala sóz baılasý arqyly urlyq jasaý) boıynsha izdeý salynǵany belgili boldy.

Ulttyq ulannyń habarlaýynsha, kúdikti dereý Aqtóbe qalasynyń polıtsııa basqarmasyna jetkizilgen.