Aqtóbede halyqty áleýmettik qorǵaý salasyndaǵy retteý jáne baqylaý departamentiniń basshysy taǵaıyndaldy
AQTÓBE. KAZINFORM — Departament basshysynyń qyzmetine Ánýarbek Qonjar kiristi. Ol keıingi tórt jylda Aqtóbe oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary boldy.
Ánýarbek Qonjar Aqtóbe oblysynyń Alǵa aýdany Qarabulaq aýylynda dúnıege kelgen. 2002 jyly Q.Jubanov atyndaǵy Aqtóbe ýnıversıtetin, 2015 jyly Qazaq-orys halyqaralyq ýnıversıtetin támamdaǵan.
Ol eńbek jolyn № 3 Alǵa qazaq orta mektebinde muǵalim bolyp bastaǵan. 2003 — 2004 jyldar aralyǵynda Alǵa aýdandyq ishki saıasat bóliminiń bas mamany, 2004 — 2006 jyldary aralyǵynda Alǵa aýdany ákimi apparatyndaǵy aqparattyq-taldaý bóliminiń bas mamany boldy. 2006 — 2007 jyldary aralyǵynda Alǵa aýdandyq ishki saıasat bóliminiń bas mamany, 2007 — 2013 jyldary aralyǵynda Alǵa aýdany ákimi apparaty memlekettik qyzmet kórsetý, sapasynyń saqtalýyn baqylaý bóliminiń basshysy bolyp eńbek etti.
Al 2013 jyly Alǵa aýdandyq ishki saıasat bóliminiń basshysy, 2013 — 2016 jyldary aralyǵynda Alǵa aýdany ákimi apparatynyń basshysy qyzmetin atqaryp, 2016 — 2020 jyldar aralyǵynda Alǵa aýdany ákiminiń orynbasary boldy.
2022 jyldan bastap kúni búginge deıin Aqtóbe oblystyq jumyspen qamtýdy úılestirý jáne áleýmettik baǵdarlamalar basqarma basshysynyń orynbasary boldy.
Eske salsaq, buǵan deıin Aqtóbede memlekettik satyp alýlar basqarmasynyń basshysy taǵaıyndaldy.
