Aqtóbede «Gazel» aýdarylyp bir adam kóz jumdy
AQTÓBE. QazAqparat - Aqtóbe - Orynbor tasjolynda jeńil kólik pen Gazel soqtyǵysyp, bir adam kóz jumdy, dep habarlaıdy QazAqparat tilshisi.
Aqtóbe-Orynbor halyqaralyq trassasynda jol-kólik oqıǵasy boldy. «Aýdı» avtokóliginiń 30 jastaǵy júrgizýshisi Mártók kentiniń mańynda qarsy baǵytqa shyǵyp, «Gazel» avtokóligimen soqtyǵysqan.
«Jol-kólik oqıǵasy kezinde «Aýdı» kóliginiń júrgizýshisi oqıǵa ornynda kóz jumdy. Sonymen birge jeńil kóliktiń úsh jolaýshysy jáne «Gazeldiń» bir jolaýshysy túrli jaraqatpen Mártók aýdanynyń ortalyq aýdandyq aýrýhanasyna jatqyzyldy. Aqtóbe oblystyq polıtsııa departamenti kólik júrgizýshilerinen jol-kólik erejesin qatań saqtaýdy suraıdy. Ózińizdi jáne jaqyndaryńyzdy qorǵańyz»,- dedi oblystyq PD baspasóz qyzmetiniń jetekshisi Erbolat Sarqulov.
