Aqtóbede gaz quıý beketindegi jarylys boıynsha qylmystyq is qozǵaldy

NUR-SULTAN. QazAqparat – QR Tótenshe jaǵdaı mınıstrligi Órtke qarsy qyzmet komıtetiniń tóraǵasy Nurbolat Derbisov Aqtóbedegi gaz quıý beketindegi jarylys týraly pikir bildirdi, dep habarlaıdy QazAqparat tilshisi.

Keshe Aqtóbe oblysy Alǵa aýdanyndaǵy gaz quıý beketinde tsısterna jarylyp , kólik pen ákimshilik ǵımarat janyp ketken edi.

«Syıymdylyǵy 46 tekshe metr tsısternanyń jarylýynan shyqqan órt 22 sharshy metr alańdy sharpyǵan. Saldarynan Toyota Camry markaly bir jeńil avtokólik, bir júk tıeý avtotehnıkasy janyp ketti. Qaza bolǵandar men zardap shekkender joq. Qazirgi ýaqytta órttiń sebepteri anyqtalyp jatyr», - dedi Nurbolat Derbisov Ortalyq kommýnıkatsııalar qyzmetinde ótken baspasóz máslıhatynda.

Atalǵan fakti boıynsha QR QK 292-babynyń 1-bóligi «Órt qaýipsizdigi talaptaryn buzý» boıynsha qylmystyq is qozǵaldy. Osy bapqa sáıkes, kináli adam 3 myń AEK-ke deıin aıyppul salý nemese sol mólsherde túzeý jumystary nemese 800 saǵatqa deıin qoǵamdyq jumystarǵa tartý nemese 3 jylǵa deıin merzimge bas bostandyǵyn shekteý nemese sol merzimge bas bostandyǵynan aıyrý túrinde jazalanýy múmkin.