Aqtóbede gaz quıý beketinde tsısterna jaryldy

AQTÓBE. QazAqparat - Aqtóbe oblysy Alǵa aýdanyndaǵy gaz quıý beketinde tsısterna jarylyp, kólik pen ákimshilik ǵımarat janyp ketti, dep habarlaıdy QazAqparat tilshisi.

Oqıǵa búgin saǵat 18:50-de boldy. Oblystyq TJD kezekshi-dıspetcherlik basqarmasyna gaz quıý stantsııasyndaǵy jarylys týraly habarlama tústi. Alǵa qalasyndaǵy oqıǵa ornyna 26 adam men 7 tehnıka jiberildi.

«Tsısterna jarylǵan kezde bir jeńil kólik, kótergishi bar júk kóligi men gaz quıý stansasynyń ákimshilik ǵımaraty janyp ketti. Oblystyq TJD qyzmetkerleri 2 kótergishi bar tehnıka men eki tsısternany ottan saqtap qaldy. Órt saǵat shamamen 20:02-de sóndirildi. Adamdar din aman. Gaz quıý stansasynyń úsh qyzmetkeri oqıǵa ornynan ózderi ketip úlgergen»,- dedi oblystyq TJD baspasóz qyzmeti.

Aıta keteıik, ottyń qalaı tutanǵany ázirge belgisiz. Qazirgi qazirgi kezde anyqtaý jumystary júrip jatyr.

«Kez kelgen jerde órt qaýipsizdigi erejesin este ustańyz. Al ot tutansa birden oblystyq TJD habarlama berý kerek»,- dedi oblystyq TJD baspasóz qyzmeti.

Eske salsaq, Atyraýda órtengen páterden 5 adam qutqaryldy. Onyń ishinde úsh bala bar. Al denesin kúıik shalyp, kómirqyshqyl gazyna ýlanǵan bir adam aýrýhanaǵa jetkizildi.