Aqtóbede gaz ballony jarylyp, eki adamdy kúıik shaldy
AQTÓBE. QazAqparat - Aqtóbe oblysy, Qobda aýdanynyń ortalyǵynda úı ishinde turǵan gaz ballony jarylyp, eki adam aýrýhanaǵa tústi, dep habarlaıdy QazAqparat tilshisi.
Búgin saǵat 14:17-de tótenshe jaǵdaılar qyzmetine Qobdadaǵy turǵyn úıde gaz ballonynyń jarylǵany týraly habarlama tústi.
«Órt-qutqarý bólimsheleri atalǵan mekenjaıǵa shuǵyl attandy. Úıdiń kireberisinde 5 lıtrlik gaz ballonynyń jarylǵany anyqtaldy. Saldarynan úıdiń bir bóligi qulady. Jergilikti órt sóndirý bóliminiń jeke quramynan 8 adam, 1 tehnıka jumyldyryldy. Órt aýmaǵy 30 sharshy metrdi qurady. Órt saǵat 14:40-ta sóndirildi», - dep habarlady oblystyq TJD baspasóz qyzmeti.
Órt kezinde 34 jáne 31 jastaǵy er adamdy kúıik shalyp, olar aýrýhanaǵa jetkizildi. Jaǵdaıy qanaǵattanarlyq.
