Aqtóbede gaz ballony jarylyp, eki adam aýrýhanaǵa tústi
AQTÓBE. QazAqparat - Aqtóbe qalasynda garajda turǵan gaz ballony jarylyp, eki adam dene kúıigimen aýrýhanaǵa tústi, dep habarlaıdy QazAqparat tilshisi.
Oqıǵa búgin saǵat 11:42-de Aqtóbe qalasynyń Tileý batyr kóshesinde tirkeldi. Garaj ishinen gúrs etken dybys shyǵyp, keıin órtendi.
«Gaz ballony jarylyp, 10 sharshy metr otqa orandy. Órt saǵat 11:58-de tolyq sóndirildi. Nátıjesinde 80 jastan asqan garaj ıesi men onyń 25 jastaǵy kórshisi zardap shekti. Ekeýi de aýrýhanada em qabyldap jatyr», - dep habarlady oblystyq TJD baspasóz qyzmeti.
Aıta keteıik, órt sóndirýge 18 qyzmetker men 5 tehnıka jumyldyryldy.
