Aqtóbede garajdaǵy órt ornynan er adamnyń denesi tabyldy
AQTÓBE. QazAqparat – Aqtóbe qalasynda garaj órtenip, ıesiniń denesi tabyldy, dep habarlaıdy QazAqparat tilshisi.
Oqıǵa 22 qarasha kúni saǵat 00:05-te boldy. Aqtóbe qalasy Polıtsııa basqarmasynyń Jedel basqarý ortalyǵyna Asaý-Baraq kóshesindegi jeke úılerdiń birinde garajdyń órtengeni týraly habarlama kelip tústi. Shaqyrtý ornyna kelgen órt sóndirýshiler órtti sóndirý kezinde 59 jastaǵy úı ıesiniń denesin tapty.
«Órt jylytqysh qurylǵydan shyqqan degen boljam bar. Saraptama taǵaıyndaldy. Qurmetti azamattar, órt qaýipsizdigi sharalaryn saqtaýǵa shaqyramyz. Elektr qurylǵylarymen jumys istegen ýaqytta abaı bolyńyz», - dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
