Aqtóbede garaj ben kólik órtendi
AQTÓBE. QazAqparat - Aqtóbede garaj janyp, ishinde turǵan kólik te órtenip ketti, dep habarlaıdy QazAqparat tilshisi.
Aqtóbe qalalyq órt sóndirý bólimine búgin saǵat 18:50-de jer úıden órt shyqqany týraly habarlama tústi. Jeke quram oqıǵa ornyna barǵan kezde úı emes, garajdyń janyp jatqanyn kórip, birden órtti sóndirýge kiristi.
«Garajdaǵy BMW markaly avtokólik janyp ketti. Órt sóndirý kezinde qutqarýshylar janyp jatqan garajdan 3 gaz ballonyn shyǵardy. Arada bir saǵatqa jýyq ýaqyt ótkende órt tolyq sóndirildi. Zardap shekken adam joq», -dep habarlady oblystyq TJD baspasóz qyzmeti.
