Aqtóbede «Garant 24 Lombard» fılıal dırektoryna izdeý jarııalandy
AQTÓBE. QazAqparat – Aqtóbede «Garant 24 Lombard» JShS–niń fılıal dırektoryna izdeý jarııalandy, dep habarlaıdy QazAqparat tilshisi.
Aqtóbe qalasyndaǵy «Garant 24 Lombard» qarjylyq uıymyna qatysty Qylmystyq kodekstiń 217- baby, 3-tarmaǵy, 1-tarmaqshasyna sáıkes, ıaǵnı «Qarjy pıramıdalaryn qurý jáne basqarý» babymen is qozǵaldy.
«Qarjy pıramıdasynyń ádisi boıynsha tez paıda tabýdy usyndy, sondaı-aq jyljymaıtyn múlik pen avtokólikti naryqtaǵy qunynan 30% qymbat baǵaǵa satyp alatynyn aıtady. Keıinnen múlikti naryqtyq baǵadan 30 paıyzǵa arzandatyp satyp otyrǵan. Sonymen qatar árbir klıent úshin salymshyǵa salym somasynyń 5% qosyp otyrdy. Teksere kele «Garant 24 lombard» JShS-i Nur-Sultan qalasynda Qazaqstan azamatynyń atyna tirkelgeni anyqtaldy.Qazir kompanııanyń oblystyq fılıal dırektory izdestirilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, tek Aqtóbe oblysynda 10 myńnan astam adam osy qarjylyq uıymǵa aqsha salǵan. Ǵımarat ishinen orgtehnıka quraldary, sondaı-aq azamattar men «Lombard 24 garant» JShS arasyndaǵy 11 myńǵa jýyq kelisimshart tabyldy.
