Aqtóbede GAP dep atalatyn qarjy pıramıdasy áshkere boldy

NUR-SULTAN. QazAqparat - Qarjy monıtorıngi agenttiginiń Aqtóbe oblysy boıynsha aýmaqtyq departament qyzmetkerleri GAP dep atalatyn qarjy pıramıdasyn uıymdastyrý deregin anyqtady, dep habarlaıdy Qazaqparat.

Vedomstvonyń habarlaýynsha, qazirgi tańda Qylmystyq kodekstiń 217-baby 1-bóligi «Qarjy pıramıdasyn qurý jáne basqarý isi» negizinde sotqa deıingi tergeý bastalǵan.

«Jedel-izdestirý sharalary barysynda uıymdastyrýshylar ózderin GAP tutyný kooperatıvi retinde tanytyp, turǵyndarǵa aqshalaryn jyljymaıtyn múlik pen avtokólik satyp alýǵa salýdy usynǵan. Bul rette azamattar kezekke turý úshin turǵyn úı nemese avtokólik qunynyń 10% bastapqy jarnasyn tóleýi qajet boldy. Osylaısha, uıymdastyrýshylar qarjy pıramıdasyna aktıvterdi tartýdy qamtamasyz etken. Qazir tergeý amaldary júrgizilýde», - delingen departament taratqan málimette.

Aıta keteıik, qarjy pıramıdasyna qatysty kez kelgen derekti Qarjylyq monıtorıng agenttiginiń senim telefondaryna nemese áleýmettik jelilerdegi resmı paraqshalarǵa habarlaýǵa bolady.