Aqtóbede eskirtkige mas kúıinde kólik júrgizgen rep oryndaýshysy Qarakesek ustaldy

AQTÓBE. KAZINFORM – Qarakesek laqap atymen tanymal Omar Amantaev 15 táýlikke qamaldy jáne ol 7 jyl kólik júrgize almaıdy. Sonymen qatar esirtki quraldaryn zańsyz paıdalaný deregi boıynsha qylmystyq is qozǵaldy. 

Aqtóbe oblystyq PD baspasóz qyzmetiniń habarlaýynsha, quqyq qorǵaý organdary maqsatty túrde jedel shara qabyldaǵan. «Kia Rio» kóligin mas kúıinde júrgizgen rep oryndaýshysyn ustap, tintý kezinde shaǵyn oramadan sıntetıkalyq eskirtki tapty. 31 jastaǵy aqtóbelikten tabylǵan aq untaqty saraptamadan da ótkizdi. 

— Medıtsınalyq kýálandyrý kezinde onyń esirtkige mas kúıinde kólik basqarǵany anyqtaldy. Sot sheshimimen quqyq buzýshy 15 táýlikke ákimshilik qamaqqa alynyp, 7 jyl merzimge kólik júrgizý quqyǵynan aıyryldy. Esirtki quraldaryn zańsyz paıdalaný deregi boıynsha sotqa deıingi tergep-tekserý bastaldy, qylmystyq is qozǵaldy, — dep habarlady oblystyq PD baspasóz qyzmeti. 

Eske salsaq, Prezıdent bıyl tamyzda nashaqorlyqtyń aldyn alý sharalaryn kúsheıtýdi tapsyrdy.