Aqtóbede eskirtki taratýshylardan 200-den astam orama tárkilendi
AQTÓBE. KAZINFORM – Kúdiktiler eskirtkini Telegram messendjeri arqyly satyp alǵan. Keıin oramalardy jasyryp, satqan.
Aqtóbede polıtsııa qyzmetkerleri esirtkini zańsyz satýmen aınalysqan topty anyqtady. Kúdiktiniń biri qalanyń ónerkásiptik aımaǵynda ustaldy. Tintý kezinde odan 246 orama anyqtaldy. Túsi jasyl, ózine
tán ıisi bar zat birden tárkilendi.
- Oqıǵa bolǵan jerdi tekserý barysynda polıtsııa qyzmetkerleri taǵy 133
oramany tárkiledi. Aldyn ala málimet boıynsha, kúdiktiler esirtkini Telegram
messendjerindegi ınternet-dúken arqyly satyp alyp, ony jasyrý arqyly taratqan. Kúdiktilerdiń biri ýaqytsha ustaý ızolıatoryna qamaldy. Qazirgi
ýaqytta tergeý amaldary júrgizilip, oqıǵanyń barlyq mán-jaıy jáne
esirtkiniń zańsyz aınalymyna qatysy bolýy múmkin ózge de tulǵalar
anyqtalyp jatyr,- dep habarlady Aqtóbe oblystyq PD baspasóz qyzmeti.
Eske salsaq, Ekibastuzda eki aǵaıyndy garajda sıntetıkalyq esirtki óndirýmen aınalysqan. Tintý barysynda 10 keliden astam «alfa-PVP» psıhotroptyq zaty, 860 lıtr hımııalyq suıyqtyq, onyń ishinde 300 lıtrlik reaktor-syıymdylyq, zerthanalyq ydystar, tarazylar jáne jeke qorǵanys quraldary tárkilendi.
