Aqtóbede eski lıftter toqtatylyp jatyr
AQTÓBE. QazAqparat - Aqtóbedegi qaıǵyly oqıǵa oryn alǵan 12 shaǵyn aýdandaǵy jaramdylyq merzimi ótip ketken lıftterdiń jumysyn toqtatty, dep habarlaıdy «QazAqparat» HAA tilshisi.
Qalalyq TÚKSh bóliminiń bastyǵy Haıdar Ermashevtiń aıtýynsha, «Jánibek Servıs» JShS qyzmet kórsetetin eski lıftter ǵana óshirilgen. 28 jastaǵy jýrnalıst kelinshektiń ajalyna sebep bolǵan lıftige de osy kompanııa qyzmet kórsetip kelgen.
«Jánibek Servıs» JShS qyzmet kórsetetin eski lıftiler ǵana óshirildi. Tergeý jáne saraptama jumystary júrgizilip jatyr», - dedi ol.
Esterińizge sala keteıik, 4 sáýir kúni Aqtóbe qalasynda 28 jastaǵy kelinshek 3 jasar qyzymen lıftige kirip, qaıǵyly qazaǵa ushyrady. Atalǵan faktige baılanysty QR QK 278-baby 2-bóligi boıynsha tergeý jumystary bastalyp ketti.
foto:pressa40.ru
