Aqtóbede esirtki satýmen aınalysqan qylmystyq topqa qatysty tergeý jalǵasyp jatyr
Aqtóbe oblystyq PD Esirtkige qarsy is-qımyl basqarmasynyń qyzmetkerleri QR Ulttyq Ulannyń jasaǵymen birlesip, ońtústik óńirlerinen Aqtóbe oblysynyń aýmaǵynda asa iri mólsherde marıhýana jáne gashısh tasymaldaýmen, saqtaýmen jáne ótkizýmen uzaq ýaqyt boıy aınalysqan 7 adamdy ustaǵan bolatyn.
Kúdiktilerden 25 keli marıhýana, 5 keliden astam gashısh tárkilendi.
«Buǵan deıin esirtki zattaryn saqtaý, tasymaldaý, satýmen aınalysqany úshin tergeý júrdi. Endi QR QK 262-babynyń 1, 2-tarmaqtary negizinde esirtki quraldarynyń zańsyz aınalymyna baılanysty qylmystardy jasaý maqsatynda uıymdasqan qylmystyq top qurý jáne oǵan qatysý boıynsha qylmystyq quqyq buzýshylyqtar tirkelip, taǵy da qosymsha aıyp taǵylyp jatyr», - dedi oblystyq PD baspasóz qyzmetiniń jetekshisi Erbolat Sarqulov.
