Aqtóbede eshki sútinen aıran uıytyla bastady

AQTÓBE. QazAqparat - Aqtóbe qalasynyń mańyndaǵy «Shekshek ata» sharýa qojalyǵy eshki sútinen aıran shyǵara bastady. Buǵan deıin eshki sútin ashytyp, qymyz óndirdi, dep habarlaıdy QazAqparat tilshisi.

Eshki ósiretin sharýashylyq 2016 jyly óz jumysyn bastaǵan. Qazir munda 250 bas eshki bar.

«Kúnine 100 lıtrge deıin sút alynyp, tsehta óńdelip, qymyz, irimshik, qurt, aıran daıyndalady. Súti dárýmendi bolýy úshin sharýashylyqta jońyshqa, qyzylsha ósirilip, malǵa beriledi. Barlyǵy 17 adam jumyspen qamtylǵan.Sharýashylyqta 4 tonnaǵa deıin sút saqtaıtyn tankerler, sútti zalalsyzdandyratyn eki apparat jáne et óńdeıtin tseh bar. Jaqynda eshki sútinen aıran shyǵara bastadyq. Eshki sútinen jasalǵan, maıy alynbaǵan, qospasy joq taza ónimge suranys bolatynyna senemiz», - deıdi satý isiniń menedjeri Maǵaýııa Nurdanqyzy.

Búgin sharýashylyq jumysshylaryna «Nur Otan» partııasynyń 2030 jylǵa deıingi baǵdarlamasy týraly aıtyldy. Partııanyń qalalyq fılıaly tóraǵasynyń birinshi orynbasary Nurlybek Júsipov «Baqýatty qoǵam: onjyldyqtyń 10 maqsaty» atty baǵdarlamada shaǵyn jáne orta bıznesti damytý úshin qarjy qoljetimdiligin arttyrý jaıyn jetkizdi.