Aqtóbede esepshilerdi qorqytqan UQK-niń qyzmetkerleri sottaldy
AQTÓBE. QazAqparat - Ulttyq qaýipsizdik komıtetiniń oblystyq departamentinde jumys istegen Aslanbek Tahaýıev pen Kárimbaı Dabylovqa sot úkimi shyqty. Olar 8-10 jylǵa sottaldy, dep habarlaıdy QazAqparat tilshisi.
Ulttyq qaýipsizdik komıtetiniń oblystyq departamentinde jumys istegen Aslanbek Tahaýıev pen Kárimbaı Dabylov «Atyraý Servıs KZ» kompanııasynyń esepshotynda jatqan 200 mıllıon teńgeni ıemdenbek boldy.
Buǵan deıin habarlaǵanymyzdaı , reseılik azamat Ivashkevıch jospar quryp, qarjyny esepshiler arqyly alýdy kózdegen. Keıin osy top olarǵa qysym kórsetedi. Ulttyq qaýipsizdik qyzmetkerleri ótken jyly qolǵa túsip, qamaýǵa alynǵan bolatyn. Búgin Aqtóbe oblystyq qylmystyq ister jónindegi mamandandyrylǵan aýdanaralyq sotynda eki qyzmetkerge sot úkimi shyqty.
«Aslanbek Tahaýıev QR Qylmystyq kodeksiniń bılikti nemese laýazymdyq qyzmetti asyra paıdalaný», «Qorqytyp alý» baptary boıynsha aıypty dep tanylyp, 10 jylǵa bas bostandyǵynan aıyrý jazasy taǵaıyndalsyn. Podpolkovnık sheninen aıyrylyp, qylmystyq jolmen tapqan múlki tárkilensin. Sottalýshy Kárimbaı Dabylov Qylmystyq kodekstiń «Qorqytyp alý» baby boıynsha aıyptalyp, 8 jylǵa bas bostandyǵynan aıyrý jazasy taǵaıyndalsyn. Sottalýshylar qatań tártiptegi túzetý mekemesinde jazasyn óteıdi», - dedi sýdıa A. Sabyrov.
Aıta keteıik, eki sottalýshy qylmystyq istiń 112 myń teńge shyǵynyn óteýi tıis. Al qylmystyq iste aty-jónderi atalǵan qylmyskerdiń sybaılastary Mamaev pen Saǵyntaevqa qatysty taǵy bir is qozǵaldy. Olar kompanııa esepshotyndaǵy qomaqty qarjyny zańsyz alǵan. Іs materıaldaryna súıensek, Saǵyntaev aqshanyń bir bóligine oıynshyqtar satyp alyp, ony Alǵa balalar úıine aparyp bergen. 
Sot úkimi kúshine engen joq.
