Aqtóbede erteńnen bastap balabaqshalar jumysyn bastaıdy
AQTÓBE. QazAqparat – Aqtóbe qalasynda balabaqshanyń kezekshi toby men birneshe saýda oryndary erteń jumysyn jandandyrady, dep habarlaıdy QazAqparat tilshisi.
Aqtóbe oblysynyń ákimi Ońdasyn Orazalın onlaın rejımde sońǵy tirkelgen jaǵdaılar men erteń jumysyn bastaıtyn kásiporyndar týraly aıtyp berdi.
«Azyq-túlik, mal bazarlary, qurylys materıldaryn, kıim-keshek satatyn bazarlar saǵat 10:00-den 17:00-ge deıin jumys isteıdi. Sport nysandarynda kórermensiz, 30 adamǵa deıin oqý-jattyǵý jumystary bastalady. Saýda úıleri men iri saýda oryndalyqtary, dúkenderge de ruqsat beriledi. Balabaqshalardyń kezekshi toby 8:00-den 18:00-ge deıin jumys isteıdi. Azyq-túlik jármeńkesi 08:00-13:00 aralyǵynda bolady. Qoǵamdyq tamaqtaný, jazǵy kafeler 10:00-22:00-ge deıin 50 adamǵa deıin qyzmet kórsete alady. Biraq týǵan kún, toı, sadaqa, as sııaqty toptasyp jınalatyn sharalarǵa tyıym salynady. Saıabaqtar men skverler jumysyn bastaıdy», - dedi oblys ákimi Ońdasyn Orazalın.
Eske salsaq, Aqtóbede balabaqshany ashý týraly usynys eki apta keıinge shegerilgen bolatyn.
