Aqtóbede erteńnen bastap áleýmettik nysandarǵa jylý beriledi

AQTÓBE. KAZINFORM — Emdeý oryndary, mektep pen balabaqshaǵa jylý birinshi beriledi. Keıin turǵyn úıler qosylady. 

Aqtóbede jylý berý maýsymyna daıyndyq aıaqtalyp qaldy. Jylytý maýsymyna «Aqtóbe JEO» AQ, «Aqtobe su-energy group» AQ jáne «Energosıstema» JShS-i jaýapty. Qazirgi kezde qaladan bólek aýdandardaǵy qazandyqtarda jóndeý aıaqtaldy, kúzgi gıdravlıkalyq synaq júrgizildi.

— Bıýdjettik uıymdarǵa 20,7 myń tonna kómir jáne 1,2 myń tonna dızel otyny qajet. Qazir 17 697 tonna kómir (85%), 1 051 tonna dızel (84%) jetkizildi. Halyqqa qajetti 19 myń tonna kómirge suranys berilip, tasymaldaý tamyz aıynan bastaldy. Búginde 6 707 tonnasy tasyldy. Taǵy 38 vagon (2 660 tonna) jolda. Al temirjol tuıyqtarynda 2 400 tonna kómir bar. Aldaǵy jylytý maýsymyna deıin tolyǵymen jetkiziledi, — dep habarlady Aqtóbe oblysy ákiminiń baspasóz qyzmeti.

Aıta keteıik, Aqtóbe qalasynda 2100 kóppáterli turǵyn úı bar. Onyń 1556-y «Aqtobe Su-Energy Group» AQ-nyń ortalyqtandyrylǵan jylý júıesine qosylǵan. 544 kóppáterli turǵyn úıde jeke avtonomdy protern jylytý júıesi bar jáne jeke qurylys kompanııalary úı janyna qazandyq salǵan. Qazandyqtar turǵyn úı keshenderiniń menshiginde.

— Kóppáterli turǵyn úılerge 130 qazandyq qyzmet etedi. Onyń 27-i «Aqtobe Su-Energy Group» AQ-nyń, 103-i basqarýshy organdardyń menshiginde. Sonyń ishinde 97 qazandyqqa aǵymdaǵy jóndeý jáne 6 úıdiń jylytý qazandyǵyna kúrdeli jóndeý jumystary júrgizildi. Olar:

Maresev kóshesi № 50B úı, Moldaǵulova dańǵyly № 64 úı, Altyn orda aýdany № 9B úı, Mustafa Shoqaı kóshesi № 18 úı, Altyn orda aýdany № 41V úı, Máńgilik el kóshesi № 7 úıdiń 1,2,3,4 korpýstary. Sonymen birge qaıta jańǵyrtý baǵdarlamasy aıasynda 548,1 mln teńgege 6 kóppáterli úıdiń ortaq jylý júıesine kúrdeli jóndeý qarastyrylǵan. Olar 11 shaǵyn aýdany № 52 úı, Rysqulov kóshesi № 4/1 úı, Eset batyr kóshesi № 95 úı, Qaldaıaqov kóshesi № 27 úı, Týrgenev kóshesi № 98/6 úı, Sáńkábaı batyr dańǵyly № 161 úı, — dep habarlady Aqtóbe oblysy ákiminiń baspasóz qyzmeti.

Kópqabatty úıler qazir daıyndyq pasportyn alyp jatyr. Jyltý taratýshy «Aqtobe Su-Energy Group» AQ «bir tereze» qaǵıdatyn iske qosty.

Aıta keteıik, aqtóbelikterge kún -3 salqyndap, qatqaq bolatyny týraly habarlama keldi.

Eske salsaq, shildedi Aqtóbede kezekti jylytý maýsymyna daıyndyq kórsetkishi 40% jetti. Jylpy Aqtóbe qalasynda bıyl 6 shaqyrym jylý jelisin jańartý josparlanǵan. Oǵan 890 mln teńge jumsalady.