Aqtóbede «Ernazar-Beket» drama - dastany sahnalandy
AQTÓBE. QazAqparat – M. Áýezovtyń «Beket» pesasynyń jelisi boıynsha «Ernazar-Beket» drama - dastany elimizde alǵash bolyp Aqtóbede sahnalandy, dep habarlaıdy QazAqparat tilshisi.
Sh.Qusaıynov atyndaǵy Aqmola oblystyq qazaq mýzykalyq-drama teatrynyń rejısseri Qanafın Farhadbek Aqtóbege kelip, «Ernazar-Beket» drama - dastanyn sahnaǵa shyǵardy. «Qoıylymǵa HІH ǵasyrdyń orta kezindegi oqıǵa arqaý boldy. Jergilikti halyq patsha úkimetiniń otarshyldyq saıasatyna qarsy shyqty. Olarǵa alym-salyqty kóbeıtip, jaıylymdyq jerlerin tartyp aldy. Saıasattyń qolshoqparyna aınalǵan keıbir jergilikti sultandar eldi tıtyqtatqan jarlyqtar shyǵaryp, bul óz kezeginde halyq narazylyǵyn órshite tústi. Eset Kótibaruly bastaǵan kóterilistiń shektiler jasaǵynyń quramynda shaıqasqan Ernazar men Beket batyrlar halyq muńy men el zary jolynda qaıta atqa qonady. Pesada Arystan sultanǵa qarsy shyqqan qos batyrdyń taǵdyr aıtylady. Bárin de T.Ahtanov atyndaǵy oblystyq drama teatrynyń akterlary somdady», - dedi Sh.Qusaıynov atyndaǵy Aqmola oblystyq qazaq mýzykalyq-drama teatrynyń rejısseri Qanafın Farhadbek.
Ázirlik tamyz aıynyń aıaǵynda bastalǵan. Bir aıdan astam ýaqyt daıyndalǵan akterler búgin premerasyn ótkizdi. Rejısser tarıhı-etnografııalyq dáldikti ustanbaı, aýyspaly dekoratsııany paıdalandy.
