Aqtóbede erli-zaıyptyny kólik qaǵyp, ekeýi de kóz jumdy
AQTÓBE. QazAqparat - Aqtóbede erli-zaıypty júrginshiler jolaǵymen joldy kesip ótpek bolǵan kezde olardy kólik qaǵyp ketti. Ekeýi de qaza tapty, dep habarlaıdy QazAqparat tilshisi.
Aqtóbe qalasyndaǵy Muhtar Arynov kóshesinde jol-kólik oqıǵasy boldy. «Hyundai Solaris» markaly avtokóliginiń 19 jastaǵy júrgizýshisi Arynov kóshesi boıynda jaıaý júrginshiler jolaǵymen ótip bara jatqan erli-zaıyptyny qaǵyp ketti. Jol-kólik oqıǵasy saldarynan 27 jastaǵy kelinshek sol jerde kóz jumdy. Al 29 jastaǵy kúıeýi Jedel járdem aýrýhanasynyń jansaqtaý bólimine jetkizildi. Ol da alǵan jaraqattarynan kóz jumdy.
«Kólik júrgizýshisiniń kólik basqarý kýáligin 2020 jyldyń sońynda alǵany anyqtaldy. Atalǵan fakti barysha tergeý amaldary júrgizilip jatyr. Mundaı jol-kólik oqıǵasynyń aldyn alý úshin júrgizýshi men jaıaý júrginshi jol qaýipsizdiginiń qarapaıym erejelerin saqtaýy qajet. Júrgizýshi árdaıym jaıaý júrginshi joldyń júris bóligine kenetten shyqqan jaǵdaıda áreket ete alatyndaı jyldamdyqpen qozǵalýy tıis. Óıtkeni jol boıynda balalar da bolýy yqtımal», - dedi oblystyq PD bastyǵy Atyǵaı Arystanov.
Aıta keteıik, jyl basynan beri Aqtóbe oblysynda jaıaý júrginshiler ótkelinde 12 JKO boldy. Onda 2 jaıaý júrginshi mert bolyp, 13 adam dene jaraqatyn aldy.
