Aqtóbede erli-zaıypty kommýnaldyq mekeme qyzmetkerimiz dep úı tonaǵan
AQTÓBE. QazAqparat - Aqtóbede erli-zaıypty úılerdi aralap, baǵaly zattardy urlaǵan. Polıtsııa urlyq jasaǵandardy kósheden ustap aldy, dep habarlaıdy QazAqparat tilshisi.
Aqtóbe oblystyq polıtsııa qyzmetkerleri jumys ýaqytynda úılerdi aralap, esik qaǵyp, eshkim jaýap bermese úıdi tonap júrgen erli-zaıyptyny ustady.
«Erli-zaıypty úıde eshkim bolmaıtyn ýaqytty paıdalanyp, baǵaly zattardy urlap ketip jurgen. Olar terezedegi tordy maıystyryp, ońaı kirgen. Keıin altyn buıymdar men aqsha, ydys-aıaqty alyp ketti. Kúdiktiler arnaıy kıim kıip alǵan. Ózderin kommýnaldyq sala qyzmetkerimin dep tanystyrǵan», - dep habarlady oblystyq polıtsııa departamentiniń baspasóz qyzmeti.
Qazirgi ýaqytta erli-zaıyptylardyń basqa da qylmystyq iske qatysy bar-joǵy tekserilip jatyr. Olar tergeý aıaqtalǵansha qamaýda otyrýy múmkin.
