Aqtóbede erli-zaıypty mádenıet qaıratkerleri óz tańdaýyn jasady

AQTÓBE. KAZINFORM — Mádenıet qaıratkerleri Maǵzom men Shalqııa Baqytjanovtar óz tańdaýyn jasady. Olar № 37 referendým ýchaskesinde daýys berdi.

Aqtóbe qalasyndaǵy № 36 orta mektepte daýys berý tańǵy 7:00–de bastaldy. Munda aqtóbelikter tańnan bastap kelip, óz tańdaýyn jasap jatyr. 

— Búgin — referendým. Biz daýysymyzdy berdik. Árkim óz tańdaýyn jasasyn, — dedi QR Mádenıet qaıratkeri Shalqııa Baqytjanova.

Erte kelip, tańdaý jasaǵan erli-zaıypty Baqytjanovtar otbasyna referendým ýchaskesi syılyq berdi.

Aıta keteıik, № 37 saılaý ýchaskesinde 2200-den astam daýys berýshi tirkelgen. Onyń 4-i úıden daýys berý úshin ótinish bergen.

Sonymen birge referendým ýchaskesinde 5 baıqaýshy jumys istep otyr. 

Eske salsaq, Aqtóbe oblysy boıynsha 530 referendým ýchaskesi bar. Referendýmda daýys berý quqyǵy bar 569 845 adam tizimge engen.

Erekshe qajettiligi bar azamattar úshin ýchaskelerde trafaret bar. Kóre almaıtyn azamattar aýdıonusqany tańdap, bıýlletendi ózi toltyra alady. 

Al 178 ýchaskede braıl qarpi qoldanylady.