Aqtóbede erekshe daryndy balalarǵa arnalǵan ınternat ashyldy
AQTÓBE. QazAqparat - Aqtóbede Qazaqstan Respýblıkasynyń Táýelsizdik kúni qarsańynda «Symbat» fızıka-matematıkalyq mektebinen erekshe daryndy balalarǵa arnalǵan ınternat ashyldy. Internattyń saltanatty ashylý rásimine Aqtóbe oblysynyń ákimi Berdibek Saparbaev qatysy, dep habarlaıdy «Aqtóbe aqparat» Aqparat ortalyǵy.
«Memleket basshysynyń tapsyrmasyna sáıkes, biz bilim salasyna erekshe nazar aýdaryp otyrmyz. Tek aǵymdaǵy jyldyń ózinde óńirde 12-den astam mektep ashyldy. Taǵy 3 mektep jyl sońyna deıin esigin ashady. Bizdiń maqsatymyz óńir balalarynyń sapaly, qoljetimdi bilim alýyna múmkindik jasaý»,-dedi B.Saparbaev.
Joǵary synyptaǵy 100 oqýshy turatyn ǵımarattyń jalpy kólemi 1,4 myń sharshy metr. Internet birinshi kezekte aýyldyq jerlerdegi daryndy balalardyń bilim alýyna múmkindik berý úshin ashyldy. 85 bala bilim berý tapsyrysynyń aıasynda oqysa, 15 oqý grantyn mekteptiń quryltaıshylary usynady.
Búgingi tańda bul Qazaqstandaǵy memlekettik-jekeshelik aıasynda qolǵa alynǵan jalǵyz joba.
«Internatta matematıka, logıka, aǵylshyn tili sııaqty pánder boıynsha etıhan tapsyrǵan jáne keńesten ótken balalar oblystardyń barlyq aýdandarynan keledi. Nebári 100 orynǵa 760 bala úmitker boldy. Konkýrstyq tańdaýlar ata-analardyń jáne oqytýshylardyń qatysýymen ashyq rejımde ótti. Bul jerde balalardyń alańsyz bilim alyp, oqýlary úshin barlyq jaǵdaılar jasalǵan»,-dedi mektep dırektory Berik Orazov.
Balalardyń densaýlyqtaryn nyǵaıtý maqsatynda ınternat janynan sporttyq baza salynǵan.
