Aqtóbede er adamdy óltirdi degen kúdiktige izdeý salyndy
AQTÓBE. QazAqparat – Aqtóbede er adamdy óltirdi jáne pyshaqpen jaraqattady degen kúdiktige izdeý salyndy, dep habarlaıdy QazAqparat tilshisi polıtsııa departamentiniń baspasóz qyzmetine silteme jasap.
«Aqtóbe oblysynyń polıtsııa departamenti 1987 jyly týǵan Qanat Seksenbaıuly Zaırovty izdep jatyr. 2019 jylǵy 22 shildede ol Zarechnyı-1 kentinde eki er adammen otyryp, olardy pyshaqtaǵan. Sonyń biri qaza taýyp, ekinshisi aýrýhanaǵa jetkizilgen», - deıdi polıtsııa departamentiniń baspasóz hatshysy Erbolat Sarqulov.
Іzdeý salynǵan er adamnyń belgileri – bet-kelbeti azııalyq, túrinen 40-42 jastarǵa uqsaıdy, aryqtaý kelgen, boıy 170-175 sm, shashy qara. Ústine sur tennıska jeıde, qara trıko, qara krossovka kıgen. Erekshe belgileri: oń aıaǵyn aqsańdap basady.
Avtory: Samal Endibaeva
