Aqtóbede er adamdy quldyqta ustaǵan sharýashylyq basshylary qamaýǵa alyndy
Aqtóbede 49 jastaǵy er adam aqpannan qarashaǵa deıin quldyqta bolǵan. Al bul ýaqytta ony týǵan-týystary, polıtsııa izdegen.
«Qylmystyq is «STOP trafık» sharasy kezinde ashyldy. Shara alǵash ret Qazaqstan, Ózbekstan, Tájikstan, Qyrǵyzstannyń ishki ister mınıstrlikterimen bir mezette ótkizildi. Jedel-aldyn alý sharasy kezinde tórt elde 95 qylmystyq is tirkeldi. Qazaqstandyq polıtsııa 67 is tirkese, onyń 14-i - adam saýdasymen, ekeýi - kámelet jasyna tolmaǵandar saýdasymen, 7 derek jezókshelik qyzmetpen baılanysty», - dep habarlady ІІM baspasóz qyzmeti.
Jeńgetaılyq pen jezóksheniń qyzmetin usyný deregi de tirkeldi. Jezókshelikpen aınalysýǵa múmkindik bergen nysan ıeleri ákimshilik jaýapkershilikke tartyldy.
Aıta keteıik, polıtsııa qujatsyz júrgen 19 adamdy bólimshege ákeldi. Olardyń 10-y - Ózbekstan, 7-i - Qazaqstan, ekeýi - Qyrǵyzstan azamaty.
