Aqtóbede er adamdy kóliktiń júksalǵyshynda kúshtep alyp júrgen kúdikti top ustaldy
AQTÓBE. KAZINFORM — Aqtóbede adam urlaǵandardyń áreketi ózge kóliktiń beınebaqylaý kamerasyna túsip qaldy. Kúdiktiler jedel izdestirý kezinde ustaldy.
Aqtóbe turǵyny kóz aldynda bolǵan jaǵdaıdy 102 nómirine jetkizdi. Er adamdy júksalǵyshqa kúshtep otyrǵyzǵan sát kóliktegi beınebaqylaý kamerasyna da túsip qalǵan.
Arnaıy maqsattaǵy bólimshe jaýyngerleri men polıtsııa qyzmetkerleri jedel áreketke kóship, Lexus avtokóligin toqtatyp, olardy ustady.
— Oqıǵaǵa jol ústindegi janjal sebep bolǵan. Aqtóbelik jaıaý júrginshiler ótkelinen ótip bara jatqan sátte júrgizýshiniń áreketine eskertý jasaǵan. Osydan keıin olardyń arasynda urys-keris boldy. Keıin kúdiktiler jábirlenýshiniń úıiniń mańyna kelip, onyń úıinen qaıta shyǵýyn kútken. Taksıge otyra bergen sátte jolyn bógep, toqtatady. Artynsha jábirlenýshini taksıden kúshtep shyǵaryp, Lexus avtokóliginiń júksalǵyshyna salyp áketken, — dep habarlady Aqtóbe oblystyq polıtsııa departamentiniń baspasóz qyzmeti.
Adam urlaý deregi boıynsha sotqa deıingi tergep-tekserý bastaldy. Kúdiktiler ustalyp, ýaqytsha ustaý ızolıatoryna qamaldy.
Aıta keteıik, Qaraǵandyda polıtseıler qaraqshylyq shabýyl men urlyq jasady degen kúdikpen 30 jastaǵy qala turǵynyn jedel túrde qolǵa túsirdi.
