Aqtóbede er adam TikTok-ta balaǵat sóz aıtqany úshin qamaýǵa alyndy
ASTANA. KAZINFORM — Aqtóbede er adam TikTok-ta balaǵat sózder aıtqany úshin 5 táýlikke qamaýǵa alyndy.
Polıtsııa qyzmetkerleri TikTok-taǵy tikeleı efır kezinde balaǵat sózder aıtyp, ádepsiz ısharalar kórsetken Aqtóbe qalasynyń turǵynyn anyqtady. Ol 42 jastaǵy Abdýlla Qońyrbaev bolyp shyqty.
Sot sheshimimen er adam 5 táýlik merzimge ákimshilik qamaýǵa alyndy.
Polıtsııa eskertedi: áleýmettik jeliler — bul qoǵamdyq keńistik. Tikeleı efır zań buzǵany úshin jaýapkershilikten bosatpaıdy.
Atyraýda TikTok-ta balaǵat sóz aıtqan qyzdyń anasy jaýapkershilikke tartylǵanyn jazǵan bolatynbyz.
