Aqtóbede epıdemıolog mamandarǵa jańa kólik berildi
Memleket basshysy Qasym-Jomart Toqaevtyń tapsyrmasymen shalǵaıdaǵy eldimekenderge qajetti qyzmet kórsetý úshin jańa kólik berildi. Aqtóbe oblysynyń Alǵa, Muǵaljar, Áıteke bı, Yrǵyz, Shalqar, Hromtaý, Mártók, Oıyl aýdandaryndaǵy aýmaqtyq basqarmalar mamandandyrylǵan avtokólikpen qamtamasyz etildi.
«Bul koronavırýs ınfektsııasynyń aldyn alý, qaýipti epıdemıologııalyq oshaqtardy ýaqytyly tekserýge arnalǵan tehnıka. Qazir asa qajet edi. Endi aýdandar aýylǵa barý kezinde esh qıyndyq kórmeıdi», - deıdi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Nursulý Berkimbaeva.
Búginde Aqtóbedegi sanıtarııalyq-epıdemıologııalyq qyzmet paıdalanyp júrgen kólik parkindegi mashınalardyń 90% tozǵan.
«Biz 15 jyl buryn berilgen kólikpen júrdik. Aýdanda 100-den astam adamnan koronavırýs ınfektsııasy anyqtalǵan bolatyn. Keıde alys aýyldarǵa barý qıynǵa soqqan edi. Endi munyń bári artty qaldy», - deıdi Shalqar aýdandyń bas memlekettik sanıtar dárigeri Gúlaıym Qudaısúgirova.
