Aqtóbede eń úzdik polıtsııa qyzmetkerleri marapattaldy
AQTÓBE. QazAqparat - Aqtóbe oblysynyń Polıtsııa departamenti úzdik polıtsııa qyzmetkerlerin marapattap, olarǵa alǵys hattar men tósbelgiler tabys etti, dep habarlaıdy QazAqparat tilshisi.
Oblystyq polıtsııa departamentiniń bastyǵy Atyǵaı Arystanov jumysy men otbasyn qatar alyp júrgen názik jandy polıtsııa qyzmetkerlerin quttyqtady. Qyzmettik mindetin atqarý kezinde qaza tapqan polıtseılerdiń jubaılaryn da eskerýsiz qaldyrmady.
«Іshki ister organdarynyń barlyq bólimshelerinde áıelder jumys isteıdi. Olar kúrdeli qylmystyq isterdi tergeıdi, qylmystardy ashady, zertteýler júrgizedi, qoǵamdyq tártipti saqtaýdy qamtamasyz etedi. Bala tárbıesi men jumysyn qatar alyp júrgenderi úshin alǵysymyz sheksiz», – dedi Atyǵaı Arystanov.
Jıyn kezinde qyzmettik mindetterin adal atqarǵany úshin Avtomattandyrý jáne baılanys tobynyń ınspektory Ásel Dýlatbaevaǵa ІІ dárejeli «Іshki ister organdarynyń úzdigi» tósbelgisi, Aqtóbe qalasy patrýldik polıtsııa batalony qyzmetiniń ınspektory Aıymgúl Bektybaevaǵa «Quqyq tártibin qamtamasyz etýge qosqan úlesi úshin» medali tabys etildi.
ІІM Qurmet gramotasy Kadrlyq saıasat basqarmasynyń polıtsııa aǵa leıtenanty Fazkýllına Radınaǵa berildi. ІІM gramotasy taǵy 2 adamǵa tabys etildi jáne 3 qyzmetkerge alǵys jarııalandy. Sonymen qatar, 3 qyzmetker QR ІІM alǵys hatymen marapattaldy.
Polıtsııa departamentiniń bastyǵy A.Arystanovtyń buıryǵymen taǵy 9 qyzmetker marapattaldy. Ári 4 qyzmetkerge qoldanylǵan jaza alynyp tastaldy.
