Aqtóbede emdelýshisi pyshaqtaǵan dárigerge ota jasaldy
AQTÓBE. QazAqparat - Aqtóbe qalasyndaǵy emhananyń dárigeri Dmıtrıı Babıchti emdelýshisi pyshaqtap, aýrýhanaǵa tústi. Dáriger emdelýshisiniń pyshaqty paketke salyp kelip, lezde suǵyp alǵan aıtty, dep habarlaıdy QazAqparat tilshisi.
Aqtóbe qalasyndaǵy otbasylyq emhananyń tájirıbeli dárigeri Dmıtrıı Babıchtiń jumysqa kiriskenine áli bir jyl tolmaǵan. Ol oqıǵa bolatyn kúni adam qabyldap, emdelýshilerine keńes, baǵyt berip otyrǵan. Bir kezde ózine buryn qaralǵan qala turǵyny kelip, esh sózge kelmestan oǵan pyshaq suǵyp alǵan.
«Emdelýshi ádettegideı qabyldaýǵa kirip, men onyń jaǵdaıyn suradym. Sebebi, odan búırek aýrýy anyqtalyp, qosymsha analızder tapsyrýǵa joldama bergen bolatynmyn. Naqty dıagnoz qoıǵan soń ony tirkeýge alyp, em júrgizý josparlandy. Sol kezde janyma kelip, birden qolyndaǵy paketten pyshaq alyp, suǵyp aldy.Ony ıterip jiberip, syrtqa shyǵyp úlgerdim. Emhana qyzmetkerlerine dereý polıtsııaǵa habar berip, jedel járdem shaqyrýdy suradym»,- dedi em qabyldap júrgen dáriger Dmıtrıı Babıch.
Dáriger jedel járdemmen temirjol aýrýhanasyna jetkizilip, em qabyldady. Aýrýhanada shaǵyn ota jasaldy. Sebebi, pyshaq ish qurylysyn, qolyn jeńil kesip ketken. Onyń ómirine esh qaýip tónip turǵan joq. Al oblystyq ІІD osy oqıǵaǵa baılanysty Qylmystyq kodekstiń «Adam óltirý», " Qylmysqa daıyndalý jáne oqtalý" baptary boıynsha sot aldy tergeý jumystaryn bastady.
