Aqtóbede elektr jelisin qaıta qalpyna keltirý úshin 9 brıgada jumys istedi

AQTÓBE. KAZINFORM — Alǵa aýdanynyń tórt aýyldyq okrýgine qarasty 9 aýyl joǵary kerneýli bir jelige jalanǵan. Túnde jaryqty qalpyna keltirý jumystaryn 9 brıgada atqardy.

Aqtóbede boran saldarynan keshe túnde birneshe aýylda jaryq sóndi. Aýyldardyń bári bir jelige jalǵanǵan.

— Dalalyqtaǵy joǵary kerneýli baǵanalardyń symdary bir-birine tıip, Qaraqudyq, Úshqudyq, Qaraqobda, Qaraǵash aýyldyq okrýgterinde jaryq ýaqytsha sóndi. «Energosıstema» mekemesinen 9 brıgada jedel jumystardy júrgizip, túngi ýaqytta barlyq aýylda jaryq qosyldy, — dep habarlady Aqtóbe oblysy ákiminiń baspasóz qyzmeti.

Aıta keteıik, keshe túnde Alǵa aýdanynyń Nurbulaq, Sambaı, Amangeldi, Qaraqudyq, Kóktoǵaı, Tikqaıyń, Qaraqobda, Úshqudyq jáne Marjanbulaq aýylynyń shyǵys bóliginde jaryq sóndi.

Bul týraly aýdan ákimi Aslanbek Shúıinshalıevtiń ózi habarlady.