Aqtóbede elektr symynyń boıyna qatqan muzdaqtyń dımetri 20 sm jetti

AQTÓBE. KAZINFORM — Aqtóbeniń Muǵaljar aýdanynda aýylǵa jaryq jaǵý úshin baǵanalardy jańartý jumysy jalǵasyp jatyr. Sabyndykól aýylyna áli elektr symy tolyq tartylmady.

Muǵaljar aýdanyndaǵy jaryǵy joq Aqsý aýylynda qalpyna keltirý jumysy aıaqtalyp, aýylǵa elektr togy berildi. Qazirgi kezde Sabyndykól aýylyna barar jolda baǵana ornatý jumysy júrip jatyr.

— Búgingi kúnde deıin 36 baǵana ornatyldy. Munda 48 adam jumys istep jatyr. Aqtóbe qalasy men Qobda, Temir, Mártók aýdandarynan brıgadalar keldi. Barlyǵy 14 tehnıka jumyldyryldy. Munda 31 jeltoqsannan bastap muzdaq qaǵý jumysy júrip jatyr. Áli de jalǵasady. Sym boıyna qatqan muzdaqtyń dıametri 20 sm bolyp tur. Saldarynan áýe jelileriniń baǵanalary qulap, symy úzildi, — dedi Muǵaljar elektr jelileri ýchaskesiniń basshysy Mırambek Júsipov. 

Aıta keteıik, Muǵaljarda kún kúrt jylyp, dalany qoıý tuman basqan. Keıin shyq sekildi muz qatyp, qalyńdaı túsken. Dıametri 15-20 sm bolatyn muzdy kótere almaǵan sym men baǵana qulady.