Aqtóbede Elek ózeni boıyndaǵy baý-baqsha ujymdarynyń turǵyndary kóshirile bastady
AQTÓBE. KAZINFORM - Tótenshe jaǵdaılar qyzmeti Elek jáne Qarǵaly ózenderinde sý deńgeıi kóteriletinin habarlap, 900-den astam úı turǵyndaryn kóshirýge sheshim qabyldady.
Aqtóbe qalasynda tótenshe jaǵdaı jarııalanyp, Elek jáne Qarǵaly boıyn jaǵalaı qonystanǵan turǵyn úılerdi sý basý qaýpi kúsheıdi.
«Kúnniń kúrt jylynýy saldarynan Aqtóbe qalasy Elek jáne Qarǵaly ózenderi boıyndaǵy baý-baqsha ujymdarynda ornalasqan úılerdi sý basý qaýpi týyndady. Osyǵan baılanysty oblys ákiminiń tóraǵalymen jospardan tys Tótenshe jaǵdaılardyń aldyn alý jáne joıý komıssııasynyń otyrysy ótkizildi. Otyrys nátıjesi boıynsha Aqtóbe qalasy Elek ózeni boıyndaǵy baý-baqsha ujymynda turatyn 906 úı turǵyndaryn ýaqytsha ornalastyrý oryndaryna kóshirý týraly sheshim qabyldandy»,- dep habarlady Aqtóbe oblystyq TJD bastyǵy Nurǵalı Júnisov.
Eske salsaq, qalada, sonymen birge Temir, Muǵaljar, Qobda aýdandarynda tótenshe jaǵdaı jarııalandy.
