Aqtóbede eki jyl buryn egilgen 1 mln túp kóshet qýrap qaldy
2017 jyly Aqtóbe jasyl aımaq, ekologııalyq jaǵdaıdy qalypty ustaý úshin 1 mıllıon túp aǵash otyrǵyzatynyn jazǵan bolatynbyz.
Taıaýda «Dyshı, Aqtóbe» eriktiler toby Aqtóbe qalasynyń irgesindegi jasyl aımaqqa baryp, qýrap qalǵan kóshetterdiń jaı-kúıin qarap shyqty. Eki jyl buryn egilgen kóshetter kútimsiz qalǵan.
«Aqtóbe qalasynyń áýejaı men Bogoslovka tasjoly mańynda jalpy aýmaǵy 1029,3 gektar jerge 1 mıllıon túp kóshet otyrǵyzyldy. Mehanıkalyq ádispen boıy 40-50 sm bolatyn kóshet egilgeni ras. Ol jerde bıikten «Aqtóbe» degen jazý kórinýi tıis boldy. Sol kezdegi qala ákimi jazý jaqsy kórinýi úshin qaraǵaı egýdi usyndy. Egildi, biraq jazdyń qýańshylyǵynan jersinbedi, tamyr jaımady. 2017 jyly kúzde mindetteme, shartqa baılanysty «Eko Park» JShS qýraǵan kóshet ornyn qaıta toltyrdy. Al 2018, 2019 jyldary bıýdjetten aqsha bólinbeı, sýarylmaı qaldy», - dedi Aqtóbe qalalyq turǵyn úı-kommýnaldyq sharýashylyq bóliminiń sektor meńgerýshisi Hasen ıÝsýpov.
Aqtóbe qalasynyń qoqys polıgonynyń janyna da sol jyldary kóshet otyrǵyzylǵan bolatyn. 2016-2017 jyldary egilgen ol aǵashtar da sýarylmaǵan.
«Merdigerler kommertsııalyq jobasyn usyndy. Quny 2 mıllıard teńgeden asyp ketken soń qarjy tabylmady, kóshetter sýarylmady», - dedi Hasen ıÝsýpov.
Aqtóbe qalasy ákimdigi resmı saıtynda 1029,3 ga jerge kóshet otyrǵyzý jumystaryna 90 mıllıon teńge jumsalatynyn habarlaǵan bolatyn.
