Aqtóbede eki jeńil kólik soqtyǵysyp, erli-zaıypty kóz jumdy
AQTÓBE. QazAqparat – Aqtóbede eki jeńil kólik soqtyǵysyp, erli-zaıypty adamdar kóz jumdy, dep habarlaıdy QazAqparat tilshisi.
Oqıǵa oblystyq mańyzy bar «Pokrovka-Jańajol» tasjolynda boldy.
«Mıtsýbısı-Lanser» avtokóliginiń 54 jastaǵy júrgizýshisi Aqtóbe qalasynan Keńqııaq kentine baǵyt alyp, kólik jolda taıyp ketti. Saldarynan qarsy baǵytta kele jatqan «Toıota Land-Krýzer» kóligimen soqtyǵysty.
«Jol apaty saldarynan «Mıtsýbısı-Lanser» avtokóliginiń júrgizýshisi oqıǵa ornynda kóz jumdy. Al 52 jastaǵy jolaýshy Keńqııaq kentindegi aýdandyq aýrýhanasynda mert boldy. Osy oqıǵaǵa qatysty Qylmystyq kodekstiń «Abaısyzda 2 adamnyń ólimine ákep soqqan jol qozǵalysy erejesin buzý» baby boıynsha sotqa deıingi tergeý júrgizilip jatyr», - dedi oblystyq PD baspasóz qyzmetiniń jetekshisi Erbolat Sarqulov.
