Aqtóbede eki jeńil kólik soqtyǵysyp, eki júrgizýshi kóz jumdy
AQTÓBE. QazAqparat – Aqtóbe oblysy Temir aýdanyndaǵy Keńqııaq-Sarykól tasjolynda eki kólik soqtyǵysyp, eki júrgizýshi kóz jumdy, dep habarlaıdy QazAqparat tilshisi.
Búgin saǵat 14:00-de Keńqııaq-Sarykól tasjolynda VAZ-2115 jáne VAZ-2110 avtokólikteri soqtyǵysty.
«Jol apaty saldarynan atalǵan avtokólikterdiń júrgizýshileri oqıǵa ornynda kóz jumdy. VAZ-2115 avtokóliginiń 83 jastaǵy jolaýshysy aýdandyq aýrýhanaǵa jatqyzyldy. Qazirgi kezde jol-kólik oqıǵasynyń sebebi anyqtalyp jatyr», - dep habarlady oblystyq PD baspasóz qyzmeti.
Aıta keteıik, Qylmystyq kodekstiń «Abaısyzda adam ólimine ákep soqqan jol qozǵalysy erejesin buzý» baby boıynsha sotqa deıingi tergeý bastaldy. Qajetti saraptamalar taǵaıyndaldy.
Buǵan deıin habarlaǵanymyzdaı, dál osy aýdanda atasy men nemeresi jol apaty kezinde kóz jumyp, bireýi aýrýhanaǵa túsken edi.
