Aqtóbede eki úı janyp ketti
AQTÓBE. QazAqparat – Aqtóbede eki úı janyp, úshinshi úıdiń shatyry órtenip ketti, dep habarlaıdy QazAqparat tilshisi.
Aqtóbe qalasy Zarechnyı-1 eldimekenindegi Ortalyq kóshede ornalasqan úıden órt shyqqany týraly habarlamadan soń mamandar birden oqıǵa ornyna jetti. Órt sóndirýshiler jetken kezde úsh úıdiń otqa oranǵany anyqtaldy.
«Órt sóndirýshiler jedel qımyldaǵanymen eki úı tolyq janyp ketti. Al úshinshisiniń shatyry órtendi. Barlyǵy 26 adam men 7 tehnıka jumyldyryldy. Órttiń jalpy aýdany – 290 sharshy metr. Zardap shekken adam joq. Órttiń shyǵý sebebi anyqtalyp jatyr», - dedi oblystyq TJD baspasóz qyzmeti.
