Aqtóbede eki sheteldik kólik soqtyǵysyp, Reseı azamaty kóz jumdy
AQTÓBE. QazAqparat – «Samara-Shymkent» tasjolyndaǵy jol-kólik oqıǵasy kezinde Reseı azamaty kóz jumdy, dep habarlaıdy QazAqparat tilshisi.
Oqıǵa 18 jeltoqsan kúni boldy. Samara-Shymkent tasjolynda Máskeý qalasynyń turǵyny «Ford-fokýs» avtokóligimen qarsy baǵytqa shyǵyp ketip, rólge ıe bola almaı qaldy. Saldarynan qarsy baǵytta kele jatqan «Volvo FH» kóligimen soqtyǵysty. Kólikti Qyrǵyzstan azamaty júrgizgen.
«Jol-kólik oqıǵasy kezinde «Ford-fokýs» avtokóliginiń jolaýshysy Hromtaý aýdanynyń ortalyq aýrýhanasyna jetkizildi, al júrgizýshi alǵan jaraqatynan oqıǵa ornynda kóz jumdy. Atalǵan fakti boıynsha tergeý amaldary júrgizilýde», - dep habarlady oblystyq PD baspasóz qyzmetiniń jetekshisi Erbolat Sarqulov.
